Հանրահավաք սեպտեմբերի 12-ին, որից կսկսվի Սերժիկի պաշտոնանկության գործընթացը

Ինչպես շատերդ ականատես եղաք օգոստոսի 1-ի հանրահավաքի ընթացքում, ժողովուրդն անկոտրում է իր պայքարում և պատրաստ է իրապես գնալու մինչև վերջ: Երբ օգոստոսի 1-ին Երևանում այդքան մարդ է հավաքվում ու իր բողոքի ձայնն է բարձրացնում ՀՀ ինքնահռչակ իշխանությունների ապօրինությունների դեմ, դա նշանակում է, որ այս երկրում իրոք ինչ որ բան այնպես չէ: Դեռ ավելին, նույնիսկ շատ շատ բաներ այնպես չեն, ինչպես պետք է լինեին:

Իսկ ամենակորևոր բանը, որն այնպես չէ և որից բխում են շատ շատ այլ հարցեր, դա ՀՀ իշխանությունը բռնազավթված լինելու հանգամանքն է: Չեմ ասում ՀՀ նախագահի պաշտոնը բռնազավթված լինելը, քանի որ բռնազավթված են իշխանության բոլոր ճյուղերը, նույնիսկ 4-րդը, որը ըստ էության պիտի զսպեր մնացած բոլոր 3-ին:

Ինչևէ օգոստոսի 1-ի հանրահավաքի ժամանակ հստակ խնդիր դրվեց, որ սույն թվականի սեպտեմբերից սկսվում է Սերժիկ Սարգսյանի պաշտոնանկության գործընթացը` ժողովրդական մաքսիմալ մոբիլիզացիայի հասնելու միջոցով: Եվ այդ գործընթացի սկիզբը կդրվի հենց սեպտեմբերի 12-ին:

Առաջարկում եմ քննարկում ծավալել այս թեմայով:

Հանրահավաք` օգոստոսի 1-ին, շուրջօրյա նստացույց մինչ օգոստոսի 1-ը Հյուսիսային պողոտայում

Ինչպես շատերդ ականատես եղաք, հուլիսի 4-ի հանրահավաքը արդարացրեց ընդդիմության և ՀՀ մեծաթիվ քաղաքացիների բոլոր սպասումները, առավել ևս երբ դրա ժամանակ հստակ ուրվագծվեցին պայքարի մոտակա գործողություննները, որոնք նախատեսում են քաղաքական պայքարի ավելի կոշտ մեթոդներ: Փաստորեն Շարժման կողմից հայտարարվեց շուրջօրյա նստացույց Հյուսիսային պողոտայում, որը պետք է եզրափակվի համահանրապետական հուժկու հանրահավաքով օգոստոսի 1-ին: Ու եթե մինչ օգոստոսի մեկը չկատարվեն ընդդիմության պահանջները, ապա այդ օրվանից պահանջելու ենք Սերժիկ Սարգսյանի հրաժարականը:

Ինձ մոտ մի զգացում կա, որ օգոստոսի մեկին լինելու է, Նիկոլ Փաշինյանի նշած, 1.000.000 մարդ, 24 ժամ հանրահավաքը, որը կլինի Սերժիկի ու նրա բաշիբոզուկների վերջը:

Հանրահավաք, հուլիսի 4-ին, Մատենադարանին հարող տարածքում, ժամը 19.00

Ինչպես հունիսի 20-ին Մատենադարանի մոտ անցկացված բազմահազարանոց հանրահավաքի ժամանակ հայտարարեց ՀՀ նախագահ Լևոն Տեր-Պետրոսյանը, հաջորդ հանրահավաքը տեղի է ունենալու հուլիսի 4-ին, Մատենադարանին հարող տարածքում, ժամը 19.00: Նախագահը նաև հայտարարեց, որ այս հանրահավաքը հավակնում է լինել մոտ կես-միլիոնանոց:

Այս գրառման մեկնաբանություններում, կարող եք քննարկել մոտակա հանրահավաքի մասին ձեր մտքերը, վերլուծությունները, դատողությունը, և այլն:

Հանրահավաք` հունիսի 20-ին, Մատենադարանին հարող տարածքում

Ինչպես գիտեք Համաժողովրդական շարժման կենտրոնը հայտարարել է, որ հունիսի 20-ին, ժամը 18.00 Մատենադարանին հարող տարածքում հանրահավաք է անցկացնելու` անկախ նրանից, թե Երևանի քաղաքապետարանը ի գիտություն կընդունի դրա մասին իրազեկլումը, թե` ոչ:

Այս բլոգը ստեղծվել է այդ օրվա վերաբերյալ եղած մտքերը, կարծիքները, առաջարկները, վերլուծությունները և մտահոգությունները քննարկելու համար:

Ազատ եղեք արտահայտվելու հարցում:

Խնդրում ենք չօգտագործել անվայելուչ արտահայտություններ և անձնական վիրավորանքներ: Զգուշացնում ենք, որ այդիսիք, նկատվելուն պես կհեռացվեն` անկախ դրանց դիրքորոշումից (ընդդիմադիր կամ ավազակապետական):